A
A
A
Tanita News
22/9/2020
【減肥餐單】制定Keep Fit計劃前 營養師幫你糾正6大致肥誤解!
個個都減肥,唔通個個都想減肥咩?不論係男女老幼,香港人都愈來愈注重身型同健康,個個都話要減肥,各施各法。有啲人一日三餐跟足減肥餐單食嘢、有人狂做運動、有人甚至去食減肥藥,但都唔一定成功。就等註冊營養師MasterJack,為你糾正致肥誤解!   1. 飲啤酒最易肥?   MasterJack:其實都係睇你飲幾多嘅啫。酒類飲品嘅熱量來源主要嚟自酒精。所以喺同等份量下,酒精濃度越高嘅話,熱量就會愈高。一齊睇吓個表:   如果只係飲100ml,咁啤酒嘅熱量絕對會係最低。不過,現實係好多時候飲啤酒嘅朋友都飲多過一罐,有時候甚至飲兩大杯(2 Imperial Pint係1,136ml,2 US Pint係946ml),咁就360Kcal 㗎喇。所以話怕肥唔飲啤酒嘅朋友某程度上都啱嘅,避免自己飲多咗嘛。   另外補充少少,好多人話啤酒糖份多所以肥,呢樣就唔啱啦,頭先講咗酒精先係主要熱量嘅來源,啤酒入面嘅糖份係每100ml大約2g左右,即係8Kcal啫。   2. 淨係做運動唔節食就減到肥?   MasterJack:其實完全靠運動嚟減肥係非常唔乎合經濟原則(成本效益)。   好簡單一個事實:一個160磅嘅人去健身室舉重1個鐘可以消耗到230Kcal(1)。一碗腩肉墨魚丸麻辣湯底米線嘅熱量係830Kcal(2), 求其一間粉麵舖嘅一碗雲吞麵熱量就係300Kcal(2), 即係話同樣係食碗麵, 你揀錯咗嘅話,果日就要去健身房舉2個鐘頭18分鐘嘅鐵嚟抵消返。 試問公務咁繁重嘅你又點可以再抽到呢啲時間出嚟呢。   但你千祈唔好誤會, 我唔係叫大家唔好做運動,反而非常鼓勵大家做運動。因為你只能夠透過做運動嚟改善心肺功能。只不過一心諗住運動就係減肥嘅全部的話,你就有啲被誤導啦。就減肥學嚟講,最重要始終都係飲食行先。   3. 食白飯係致肥元兇?   MasterJack:終於都等到你問呢條問題啦! 錯囉,錯晒!食紅米唔會肥,食糙米唔會肥,食白米都唔會肥。睇睇下面:   一睇個表就一目了然啦, 齋講熱量嘅話,幾時都唔輪到碳水化合物排第一,所以飯點會係致肥元兇?一碗飯嘅熱量其實大約係200Kcal左右,就算你一日三餐都食碗飯,都係600Kcal左右,所以一定係你平時食嘅餸比較肥。   可能會有人話:「唔係喎,食多咗嘅碳水化合物,用唔晒嘅話身體咪會將佢轉成脂肪儲起囉, 咁就會肥啦!」   的而且確, 身體係有機制將單糖轉成脂肪, 但其實因為個機制好複雜同埋好浪費資源嘅關係(身體要將單糖變成脂肪酸,過程係需要用能量㗎。即係用能量去轉化能量,身體其實都會覺得好無聊,好唔合成本效益),所以只係有好少部份多餘咗出嚟嘅碳水化合物, 先會被轉成脂肪儲起(3)。   相反,人類嘅腸胃係可以好有效率咁吸收食物入面嘅脂肪,用唔晒就簡單直接咁儲起。咁你話啦,食碳水化合物易肥,定係食脂肪易肥?   4. 太夜食飯都會肥?   MasterJack:夜食飯係唔會令到你肥,但係如果夜食飯,而又令你選擇一啲無咁健康嘅食物,咁就會令到你肥啦。   觀察性研究顯示晚飯時間與肥胖係無關連㗎(4),個研究搵咗兩班小朋友,一班就係夜晚8點前食飯,另一班就係夜晚8點後先食飯,結果係搵唔到晚飯時間同肥胖有關連㗎。   相反,有大量研究顯示始終都係食物入面嘅熱量先會引致肥胖(5)。所以,要返夜嘅朋友或者晏收工嘅你都唔好太怪罪自己份工,只要唔好亂食嘢就唔會肥。   5. 食齋無咁肥?   MasterJack:如果你以為食齋無咁肥,咁就大錯特錯啦。「食齋」呢兩隻字其實好廣泛,純素主義(Vegan)、蛋素主義(ovo-vegetarianism)、奶素主義(lacto-vegetarianism)、奶蛋素主義(ovo-lacto-vegetarianism),仲有會食海產嘅(semi-vegetarianism)等等,通通都係「食齋」。   唔同嘅食齋方式老老實實又真係會對你嘅營養攝取有好大嘅影響,深到直頭可以寫篇論文。不過無論邊種「食齋」都好,其實點樣煮先係關鍵。舉個例,羅漢齋炒麵係齋菜,一碟有成850Kcal,一份冷蕎麥麵(醒唔醒起佢都係齋先?),先得300Kcal。其他齋舖啲素肉好多都係預先炸過,吸晒油,我就唔使多講啦。所以我覺得「食齋」就唔一定無咁肥嘅。   6. 唔食早餐可以減肥? MasterJack:我只可以答你唔會,而且仲會更加肥,更加唔健康。根據小弟嘅經驗,普遍嚟搵我幫手減肥嘅朋友,見我之前每日都係食得好少餐,而且好多都係無食早餐嘅習慣。當我叫佢哋食返早餐,同埋仲要每日食好多餐之後,全部都開始減到磅。   其實你要明白,減肥唔係要盲目追求食少啲熱量(卡路里)。我哋人類其實好先進,識得自我適應同調節。有樣嘢叫新陳代謝,佢主宰住我哋每日要用幾多能量。   當我哋食少咗,新陳代謝其實係會減慢啲去慳住嚟用,到你再食嘢嘅時候,身體會更加吸收,令到你儲起更加多。所以你越唔食嘢,最終只會越肥,你係唔夠自己嘅「新陳代謝」鬥㗎,所以你係要同佢做好朋友,令佢轉換快啲去幫你減肥。   總括嚟講,由早餐開始做起,少食多餐,先可以幫到你改善新陳代謝,幫你加快消脂。   資料來源 1World Cancer Research Fund. Exercise Calorie Calculator.[Internet]. Wcrf-uk.org. 2019 [cited 31 March 2019].   2Centre for Food Safety. Sodium and Energy Contents of Asian-style Noodles-in-soup Dishes - Result of Joint Study by the Centre for Food Safety and the Consumer Council [Internet]. Cfs.gov.hk. 2019 [cited 25 March 2019].   3Solinas G, Borén J, Dulloo A. De novo lipogenesis in metabolic homeostasis: More friend than foe?. Molecular Metabolism. 2015;4(5):367-377.   4Coulthard J, Pot G. The timing of the evening meal: how is this associated with weight status in UK children?. British Journal of Nutrition. 2016;115(09):1616-1622.   5Baron K, Reid K, Horn L, Zee P. Contribution of evening macronutrient intake to total caloric intake and body mass index. Appetite. 2013;60:246-251.   *本文章內容由Bowtie及MasterJack 提供並只供參考,不代表 TANITA 立場,TANITA 對任何人因使用或誤用任何信息或內容,或對其依賴而造成的任何損失或損害,不承擔任何責任。
Details +
22/9/2020
【卡路里】減肥淨係睇熱量?營養師教你5大健康飲食秘技!
想減肥自然要好小心咁選擇食物,但好多人都會以「熱量」作為唯一指標,覺得計好條「卡路里加減數」就減到肥,但現實又係咪咁?註冊營養師MasterJack 以下教大家一啲健康嘅飲食方法!   1. 減肥唔可以齋睇熱量   MasterJack︰想減肥嘅話,唔好淨係睇熱量,大家仲需要睇埋食物嘅營養成份及結構。   事實上,脂肪提供既熱量係最高,每1克有成9kcal,而蛋白質同碳水化合物每1克只提供4kcal,所以如果你去到超市望住個營養標籤,搵脂肪相對少既食物,自然會揀到低熱量既選擇。除咗卡路里之外,你仲要睇埋吸收率。   脂肪嘅吸收率係好高,幾乎食幾多吸幾多(1)。相反,粗糙碳水化合物(即係未被加工或被少量加工過)嘅吸收率就低好多啦。所以,大家唔應該盲目追求低卡路里食物,而係應該留意營養結構,搵低脂高纖既食物。   2. 少食多餐有助維持減肥持續性   MasterJack︰「少食多餐」嘅飲食習慣可以提升新陳代謝,從而維持減肥既可持續性,而節食只能夠短暫咁獲得成果,而且仲會犧牲左你嘅新陳代謝,長遠都係會反彈。   我喺上一篇文章都有講過,節食雖然係可以減少每日食落肚嘅卡路里,但係當你吸收少左,人類身體其實係識得透過自行調節新陳代謝(呢個時候會減慢新陳代謝),嚟平衡卡路里嘅「收入」同「支出」。   當然,你嘅身體未必能夠即時match到,喺未match到之前,你會暫時「收支失衡」(支出比收入多),並且達到減磅效果,但當個新陳代謝調節完,即係match到之後,你就唔能夠再減到落去喇。   到左呢個時候,你可能要再食少啲,去再次形成「收支失衡」既狀態,結果造成一個惡性循環,最終每日只能食好少好少嘅食物。   總括嚟講,用節食既方式去減肥係好不智,相反,你係應該想辦法去提升新陳代謝,從而幫助你減肥,而「少食多餐」就係其中一個方案。   3. 常備小食有助養成「少食多餐」習慣   MasterJack︰頭先講過要「少食多餐」,但冇理由返緊工做做吓嘢走去煮個麵架。所以,如果常備一啲合適既「小食」,可以隨時拎出嚟食,咁就唔使勞師動眾,都做到「少食多餐」去維持新陳代謝喇。   當然我講嘅「小食」唔係一包炸過嘅薯片啦,我所推薦既「小食」應該係一啲高纖、高粗糙碳水化合物、低脂、合理份量蛋白質嘅選擇,例如係全麥麵包或者某啲水果。   4. 碳水化合物係你嘅好朋友   MasterJack︰碳水化合物係人類嘅首選燃料,任何時候都會揀佢嚟消耗先,基本上你每日食嘅碳水化合物,身體都會想盡辦法日日清(當然要假設你唔係碳水化合物既狂熱粉絲,一日食10碗飯啦)。   好多時候,你每日正常咁食嘅碳水化合物都會被用清光,所以點解碳水化合物應該要佔你每日熱量來源嘅大部份,冇野留低自然唔會增肥,咁先易啲造成卡路里「收支失衡」(支出多於收入),最終達到減肥呢個目標。   5. 湯粉麵都係唔錯嘅正餐選擇   MasterJack︰好多人都鍾意去茶餐廳食晏,大部份碟頭飯都起碼700kcal,炒粉麵飯仲成千個kcal,而且兩者通常都係高脂肪、高蛋白質嘅食物,比較容易致肥。   相反,湯粉麵好多時候都只係400-500kcal,唔計果啲高達800kcal嘅腩肉墨魚丸麻辣米線、牛腩豬大腸油麵等(2)。咁又唔係話叫你食個淨湯粉麵,好多配料其實都可以揀,例如首先揀個蔬菜,或者紫菜,跟住配腐竹、冬菇、白魚蛋、雲吞、蘿白、木耳絲、金菇呢類低脂肪既配料,咁你碗麵就「低脂低卡」喇。     資料來源 1Caspary W. Physiology and pathophysiology of intestinal absorption. The American Journal of Clinical Nutrition. 1992;55(1):299S-308S.   2Centre for Food Safety. Sodium and Energy Contents of Asian-style Noodles-in-soup Dishes - Result of Joint Study by the Centre for Food Safety and the Consumer Council [Internet]. Cfs.gov.hk. 2019 [cited 25 March 2019]   *本文章內容由 Bowtie及MasterJack 提供並只供參考,不代表 TANITA 立場,TANITA 對任何人因使用或誤用任何信息或內容,或對其依賴而造成的任何損失或損害,不承擔任何責任。
Details +
28/5/2020
TANITA 全港澳銷售店
TANITA 香港銷售點 (貨品型號、貨存及價錢因各銷售點而異,請查詢各銷售點) SOGO 崇光百貨 (家用體重磅及廚具用品) (銅鑼灣) 地址: 軒尼詩道555號   永安百貨 (家用體重磅及廚具用品) (上環) 地址: 德輔道中211號永安中心 (油麻地) 地址: 彌敦道345號 (尖東) 地址: 麼地道62號永安廣場   YATA 一田百貨 (家用體重磅) (沙田) 地址: 新城市廣場第三期 (大埔) 地址: 安邦路101-129&208大埔中心6座超級城B區一樓 (荃灣) 地址: 大壩街4號荃灣廣場2至4樓   AEON 吉之島 (家用體重磅) (太古康山) 地址: 鰂魚涌康山道2號 (黃埔) 地址: 九龍紅磡黃埔新天地第5及6期地面及地庫 (九龍灣) 地址: 宏照道38號企業廣場5期MegaBox一樓1至18、24至46號舖及二樓1至23、35至58號舖   Citistore 千色 (家用體重磅) (大角咀) 地址: 福利街8號 (將軍澳) 地址: 新都城欣景路8號 (荃灣) 地址: 城市中心2期 (馬鞍山) 地址: 鞍祿街18號 (元朗) 地址: 教育路1號千色匯3至4樓 (屯門) 地址: 屯隆街2號屯門時代廣場   UNY/ APITA (家用體重磅) (太古) 地址: 鰂魚涌太古城道18號太古城中心 (樂富) 地址: 橫頭磡聯合道198號   CAM2 (家用體重磅) (旺角) 地址: 登打士街56號家樂坊10樓1006-1013   Techlife (家用體重磅) (銅鑼灣) 地址: 銅鑼灣勿地臣街1號號時代廣場8樓818-821號及9樓914-915號 (太古) 地址: 太古城中心南商場4樓418號 (尖沙咀) 地址: 尖沙咀海洋中心3樓 333A, 333B, 335-7號 (九龍塘) 地址: 又一城 MTR樓層01號 (沙田) 地址: 沙田新城市廣場一期6樓612號    J Select (家用體重磅) (金鐘) 地址: 金鐘道88號太古廣場 2樓 214 (尖東) 地址: 梳士巴利道18號, K11 MUSEA, 4樓402 (九龍塘) 地址: 達之路80號又一城G-28 (將軍澳) 地址: PopCorn F57-58 (沙田) 地址: 沙田鄉事會路138號新城市中央廣場 3樓 327-328 (元朗) 地址: 朗日路9號YOHO MALL I 2樓 2005   Towngas (廚具用品) (銅鑼灣) 地址: 波斯富街99號利舞臺廣場9樓 (旺角) 地址: 彌敦道794-802號協成行旺角廣場地下A鋪 (九龍灣) 地址: 德福廣場二期5樓516號 (大埔) 地址: 新達廣埸1樓091號舖 (天水圍) 地址: 天耀邨天耀廣場地庫1樓LG23 & LG24號舖 (青衣) 地址: 青衣城3樓304號舖 (元朗) 地址: 青山公路31號元善大廈地下A舖   Home焙小日子 (廚具用品) (荔枝角) 地址: 長順街15號 D2 Place TWO 305號(荔枝角D2出口) (荃灣) 地址: 荃新天地二期地下27號鋪 (將軍澳) 地址: 唐德街9號將軍澳中心地下 G42號舖   TANITA 網上商店 TANITA 網購平台 www.tanita.asia/shopping   HKTVmall https://www.hktvmall.com/hktv/zh/main/Tanita/s/H5093001   YOHO https://www.yohohongkong.com/   TANITA 澳門銷售點 新八佰伴 地址: 澳門蘇亞利斯博士大馬路   慕拉士旗艦店 Morais Flagship Store澳門慕拉士大馬路181-183號來來集團大廈二樓   關閘分店 Portas de Cerco branch馬場大馬路143號信達廣場第三座地下A座   樂駿盈軒旗艦店 Lok Chon Ieng Hin Flagship Store氹仔 柯維納馬路200-206號樂駿盈軒第一座地下A, 1樓C, F座(四面佛對面)   賈梅士分店 CAMOES Branch提督馬路162-172號賈梅士商業中心2樓I-Z,AA-AG座
Details +
20/5/2020
BC-402 智能體組成磅 瞬間了解你的身體狀況
隨著現代人愈來愈重視健康,好多家庭都會具備一部體重磅,定時量度體重變化,但往往單靠體重是不足夠了解自己的身體狀況。身體是透過肌肉、骨骼、體水份等主要元素組成,通過了解不同體組成元素的比例,可以更有效監測身體的健康狀態,從而制定出適合的飲食控制及運動計劃。         與手機同步 TANITA 新推出BC-402 十合一智能體組成磅,可與智能手機同步,測量後直接上傳數據結果到手機程式Health Planet,內置圖表顯示及可以設定你的體重目標,方便你管理自己的健康狀況。   十個體組成數據 瞬間測量十個體組成數據項目,除了體脂肪率、肌肉量、體水份率、推定骨量等基本數據之外,亦可測量出體內年齡、內臟脂肪、BMR、BMI 等特有數據。TANITA BC-402 智能體組成磅亦會根據你的身高及年齡資料,與相同組別的人士作比較,從而評估你的體組成狀況是健康、中等還是過胖。     適合家居使用 一個體組成磅具備最多5個用戶記憶數目,適合一家大小使用。BC-402 體組成磅有黑白兩色可選擇,尺寸相約A4大小,即使收納起來,佔用的空間都不多。另外,體組成磅是由堅固強化玻璃的物料製造,更耐用,亦易於清潔。   BC-402 智能體組成磅 使用教學: https://youtu.be/ggBY5UHFfEQ 了解詳情: https://bit.ly/2zqwOxz    
Details +
25/3/2020
拆解RD 及BC 體組成磅
好多人都問小編TANITA 有那麼多款體組成磅,到底應該如何選擇好呢?其實TANITA 體組成磅主要分為RD 及BC兩大系列,在選擇體組成磅之前首先要了解這兩個系列,小編以下就逐一為大家講解。   RD體組成磅 市面上的體組成磅公司好少會提及自己採用什麼的測量技術,而TANITA 有別於其他產品,早在市場上唯一將雙頻測量技術應用於家用體組成磅上。RD的解釋是指Real Dual, 即雙頻測量,下圖顯示雙頻電流在測量身體時的情況,可詳細分析細胞內外的情況,使數據結果會更詳盡、更仔細,這個測量技術亦可以媲美專業醫療器材。   透過雙頻測量技術, RD系列體組成磅可分析出「肌肉質量」— TANITA 獨有的體組成數據。這個數據可反映肌肉的健康狀況,肌肉內所含的肌纖維愈壯大,收縮時所產生的力量越大,肌肉的「質素」愈好。肌肉質量可間接反映運動表現,可以判定運動表現例如爆發力,耐力較強,受傷風險,柔韌性及生活習慣等等。如有恆常訓練的人,數字會相對地高,而一般人則可能達標準水平。 BC 體組成磅 BC是指Body Composition, 即體組成測量。坊間好多人都會誤以為體組成磅即是體脂磅,其實兩者有好大差別。所謂體脂磅主要是測量體脂率及體重,但體組成磅除了可以測量體脂率,還可測量骨質量、肌肉量及體水份率等體組成數據。TANITA BC 體組成磅可以輕鬆測量出各個基本體組成數據,有部份甚至包含獨有數據 — 體型判定。 對於重視健康或減磅人士來說,了解身體每個體組成數據都好重要。例如身體水份可以反映現時減肥的方向或運動是否有效,如果你的體重有下降, 但同時水份下降過快而脂肪保持不變或上升,這可能是在減體水份及肌肉。了解體組成狀況,可以幫你更有效規劃運動及飲食計劃,讓生活更健康。   選擇RD 還是BC 體組成磅? 如有運動習慣、追求運動表現或需要改善平衡力的人士,建議可選擇RD體組成磅,如需要一般體重管理的人士,則建議選擇BC體組成磅。了解更多體組成磅資訊: www.tanita.asia/shopping      
Details +
20/1/2020
盆菜有「營」食法
今年聖誕過後很快就要迎接鼠年了,很多朋友都表示聖誕大餐的熱量都尚未消耗完,新年又來了。新年必吃的除了賀年糕點和糖果外,盆菜也是不可缺少的。   盆菜食材不外乎頂層的蠔豉、豬手、大蝦、雞和鴨以及下層吸滿湯汁的炸芋頭、炆冬菇、魚蛋、豬皮、枝竹和蘿蔔。看似充滿蛋白質、澱粉質和纖維的選擇,營養滿分,但事實是滿佈陷阱...   上層的大蝦、蠔豉等海鮮類屬較健康的選擇,可以適量食用。雞、鴨、豬等瘦肉部分也是優質蛋白質的來源,只是肉類的皮層是含有大量脂肪的部位,要食得有「營」,只需去皮就可以減少大約3成的熱量。而一般成人每日每餐蛋白質建議攝取量為每日6至8両,即大約2至3隻麻將的大小,大家可根據自己的喜好選擇。除了盆菜的肉類、海鮮外,也可以配搭清蒸魚。魚類含豐富的奧米加-3脂肪酸,有助預防冠心病及中風。   下層的炸枝竹、炸芋頭、豬皮等先炸再煮的食材就建議大家少食多滋味了。先炸後再用高脂的湯汁炆煮的食材都會在無形間吸收過多脂肪和鈉質,違反了大家想吃一些蔬菜,「健康」一下的想法了!炆蘿蔔也不算是一個十分適合的選擇,因為炆煮過程中也吸收了不少湯汁了。盆菜中較健康的蔬菜選擇可算是冬菇了,100克的冬菇只有26kcal,膳食纖維更有3.3g,比一般的蘑菇更高。   除此之外,也可以配合清炒菜、涼拌等菜式均衡營養。最重要的一點是記得不要連同餸菜的汁醬和飯一同食用,因為肉類的油脂及調味的鈉質多數都在汁醬內,多吃無益。   除了飲食上的注意,定時測量自己身體的指數也有助了解身體健康狀況及變化,針對新年大吃大喝的變化,在年後調節飲食及運動習慣。TANITA 體組成磅除左測量體重外,還有內臟脂肪、體脂率、肌肉量等體組成數據,更仔細地分析身體的變化。新春期間還有【新春送舊迎新大激賞】,為你和你的家人送上一份健康。   了解更體組成磅: http://bit.ly/2Q6lYTe 新春送舊迎新大激賞: http://bit.ly/376q4km   資料來源 有營食肆資源中心: 識揀識食 食豬有營 食物安全中心:食物營養搜尋器 衛生防護中心:熱量知多少
Details +